📁 آخر الأخبار
0

كيفية تغيير DNS في ويندوز خطوة بخطوة (ويندوز 10 و11)

WinFixar Test WinFixar Test

كتير من مشاكل الإنترنت البطيء أو تعذر فتح بعض المواقع بيكون سببها إعدادات الـ DNS الافتراضية من مزود الخدمة. في المقال ده هنشرح إزاي تقدر تغيير DNS في ويندوز بسهولة، سواء كنت بتستخدم ويندوز 10 أو ويندوز 11، وهنعرض أكتر من طريقة عشان تختار الأسهل بالنسبالك.

طريقة تغيير DNS في ويندوز خطوة بخطوة

إيه هو الـ DNS ولية بنغيره؟

الـ DNS (Domain Name System) هو المسؤول عن ترجمة أسماء المواقع (زي google.com) إلى عناوين IP يقدر جهازك يفهمها. لما تغيير DNS الافتراضي بتاع شركة الإنترنت وتستخدم سيرفر DNS تاني زي Google أو Cloudflare، بتقدر تستفيد من:

  • سرعة أعلى في تحميل المواقع.
  • حماية أفضل من بعض المواقع الضارة.
  • حل مشاكل تعذر الوصول لمواقع معينة بسبب حجب من مزود الخدمة.
  • استقرار أكتر في الاتصال بالإنترنت.

تغيير DNS في ويندوز عن طريق لوحة التحكم (Control Panel)

دي الطريقة التقليدية لـ تغيير DNS وبتشتغل على ويندوز 10 وويندوز 11:

  1. افتح Control Panel من قائمة ابدأ.
  2. اضغط على Network and Internet 
تغيير DNS من لوحة التحكم Control Panel في ويندوز


ثم Network and Sharing Center.
تغيير DNS من لوحة التحكم Control Panel في ويندوز
3. من القائمة الجانبية، اضغط على Change adapter settings.
تغيير DNS من لوحة التحكم Control Panel في ويندوز4.هتلاقي كروت الشبكة الموجودة عندك (Wi-Fi أو Ethernet)، اضغط عليها بزر الماوس الأيمن واختار Properties.
5. من القائمة اللي هتظهر، دور على Internet Protocol Version 4 (TCP/IPv4) واضغط عليه مرتين، أو اضغط Properties بعد تحديده.
 

6. اختار Use the following DNS server addresses
تغيير DNS من لوحة التحكم Control Panel في ويندوز

  1. اكتب عنوان خادم DNS المفضل، مثلًا:
    • Preferred DNS server: 8.8.8.8
    • Alternate DNS server: 8.8.4.4
  2. اضغط OK لحفظ إعدادات DNS الجديدة.

تغيير DNS في ويندوز من تطبيق الإعدادات (Settings)

لو بتستخدم ويندوز 11 أو ويندوز 10 وعايز طريقة أسرع بدون Control Panel، تقدر تعمل تغيير DNS من تطبيق الإعدادات مباشرة:

  1. افتح Settings بالضغط على Windows + I.
تغيير DNS من تطبيق الإعدادات في ويندوز 11

2. روح لقسم Network & Internet.
تغيير DNS من تطبيق الإعدادات في ويندوز 11
3. اختار نوع الاتصال المستخدم عندك (Wi-Fi أو Ethernet). حسب ال شغال عليه 
تغيير DNS من تطبيق الإعدادات في ويندوز 11

4. اضغط على اسم الشبكة المتصل بيها.
5. دور على قسم DNS server assignment واضغط Edit.
6. غيّر الخيار من Automatic (DHCP) إلى Manual.
7. فعّل خيار IPv4، واكتب سيرفر DNS المفضل والبديل.
8. اضغط Save لتطبيق إعدادات DNS الجديدة.
تغيير DNS من تطبيق الإعدادات في ويندوز 11

تغيير DNS عن طريق موجه الأوامر (Command Prompt)

لمستخدمي الأوامر النصية، فيه طريقة سريعة لـ تغيير DNS باستخدام CMD:

  1. افتح Command Prompt كمسؤول (Run as Administrator).
  2. اكتب الأمر التالي لمعرفة اسم كارت الشبكة: 
    netsh interface show interface

    تغيير DNS باستخدام أوامر CMD وnetsh
  3. لتغيير خادم DNS الأساسي، اكتب: 
    netsh interface ip set dns name="Wi-Fi" static 8.8.8.8

    تغيير DNS باستخدام أوامر CMD وnetsh
  4. لإضافة DNS بديل، اكتب: 
    netsh interface ip add dns name="Wi-Fi" 8.8.4.4 index=2

    تغيير DNS باستخدام أوامر CMD وnetsh
  5. استبدل "Wi-Fi" باسم الشبكة الفعلي عندك لو مختلف.

هذه الطريقة مفيدة جدًا لمن يحتاج تغيير DNS بشكل متكرر أو أتمتة العملية عبر ملف نصي.

أفضل سيرفرات DNS يمكن استخدامها

بعد ما تعرف إزاي تعمل تغيير DNS، تقدر تختار من السيرفرات الشهيرة دي:

مزود الخدمة           DNS الأساسي            DNS البديل       
Google DNS 8.8.8.8 8.8.4.4
Cloudflare DNS 1.1.1.1                    1.0.0.1
OpenDNS                   208.67.222.222 208.67.220.220
Quad9 9.9.9.9 149.112.112.112

كيف تتأكد إن تغيير DNS تم بنجاح؟

بعد تغيير DNS، تقدر تتأكد إن الإعدادات اتطبقت صح عن طريق:

  1. فتح Command Prompt.
  2. كتابة الأمر: 
    ipconfig /all
  3. البحث عن قسم DNS Servers والتأكد إن العناوين اللي كتبتها ظاهرة فعلًا.

كمان ينصح بعمل مسح لذاكرة التخزين المؤقت للـ DNS بعد أي تغيير DNS عن طريق الأمر:

ipconfig /flushdns

نصائح مهمة بعد تغيير DNS

  • لو ظهرت مشاكل في الاتصال بعد تغيير DNS، جرب الرجوع لخيار Obtain DNS server address automatically.
  • تأكد من كتابة عنوان سيرفر DNS بشكل صحيح بدون مسافات زيادة.
  • بعض الشبكات المكتبية أو الشركات بتمنع تغيير DNS يدويًا، في الحالة دي لازم تتواصل مع مسؤول الشبكة.

تغيير DNS من الموبايل (أندرويد وآيفون)

مش شرط تعمل تغيير DNS من الكمبيوتر بس، تقدر كمان تطبق نفس الفكرة على الموبايل:

تغيير DNS في أندرويد

  1. افتح الإعدادات (Settings) ثم روح لقسم Wi-Fi.
  2. اضغط مطولًا على اسم الشبكة المتصل بيها، واختار Modify network أو تعديل الشبكة.
  3. فعّل خيار Advanced options أو خيارات متقدمة.
  4. غيّر إعداد IP settings من DHCP إلى Static.
  5. هتظهر خانات جديدة، اكتب فيها DNS 1 وDNS 2 بعنوان خادم DNS المفضل عندك (مثلًا 8.8.8.8 و8.8.4.4).
  6. احفظ الإعدادات، وهيتم تطبيق تغيير DNS فورًا على الشبكة دي.

بعض إصدارات أندرويد الحديثة بتوفر خيار أسهل باسم Private DNS جوه إعدادات الشبكة، وده بيسمحلك بكتابة سيرفر DNS بصيغة hostname زي dns.google بدل كتابة الأرقام يدويًا.

تغيير DNS في آيفون (iOS)

  1. افتح الإعدادات (Settings) ثم اضغط على Wi-Fi.
  2. اضغط على أيقونة (i) بجانب اسم الشبكة المتصل بيها.
  3. انزل لتحت لحد ما تلاقي Configure DNS.
  4. غيّر الخيار من Automatic إلى Manual.
  5. احذف أي خادم DNS موجود بالضغط على علامة الناقص (-)، وأضف عنوان DNS الجديد بالضغط على Add Server.
  6. اضغط Save لحفظ إعدادات تغيير DNS الجديدة.

حل الأخطاء الشائعة بعد تغيير DNS

أحيانًا بعد عملية تغيير DNS ممكن تواجه بعض الرسائل أو المشاكل، وده حل لأشهرها:

رسالة "DNS server not responding": تأكد إنك كتبت عنوان خادم DNS صح بدون مسافات، وجرب تعمل ipconfig /flushdns من Command Prompt، ولو المشكلة مستمرة جرب سيرفر DNS تاني زي Cloudflare بدل Google.

رسالة "This site can't be reached" أو "DNS_PROBE_FINISHED_NXDOMAIN": غالبًا سببها كاش DNS قديم، جرب تعمل مسح للكاش بالأمر ipconfig /flushdns وأعد تشغيل المتصفح، ولو استمرت المشكلة تأكد إن إعدادات DNS اتحفظت صح في خصائص الشبكة.

الإنترنت بطيء رغم تغيير DNS: جرب سيرفر DNS تاني، لأن مش كل الخوادم بتكون سريعة بنفس الدرجة في كل الدول، وينصح تجرب أكتر من خيار (Google، Cloudflare، Quad9) وتقارن بينهم.

بعض المواقع أو التطبيقات بقت تفتح بطيء بعد تغيير DNS: ممكن يكون السيرفر الجديد بيعمل حجب لمحتوى معين (زي OpenDNS اللي بيوفر فلترة)، جرب ترجع لـ DNS افتراضي أو تستخدم سيرفر تاني من غير فلترة.

تغيير DNS مش بيتطبق خالص: تأكد إنك حفظت الإعدادات صح، وجرب تعمل إعادة تشغيل لكارت الشبكة أو الراوتر، أو أعد تشغيل الجهاز بالكامل بعد تغيير DNS.

❓ الأسئلة الشائعة

ما هو أفضل DNS يمكن استخدامه في ويندوز؟

لا يوجد خادم DNS واحد يعتبر الأفضل للجميع، لكن من أكثر الخيارات الموثوقة والمستخدمة على نطاق واسع هي Google DNS بعنوان 8.8.8.8، وCloudflare DNS بعنوان 1.1.1.1 المعروف بسرعته العالية، بالإضافة إلى Quad9 الذي يركز على الحماية من المواقع الضارة. يُفضل تجربة أكثر من سيرفر ومقارنة النتائج حسب منطقتك.

هل تغيير DNS يزيد سرعة الإنترنت؟

تغيير DNS لا يزيد السرعة الفعلية لباقة الإنترنت نفسها، لكنه قد يقلل من زمن استجابة تحميل المواقع (DNS Lookup Time)، مما يجعل فتح المواقع أسرع في بعض الأحيان، خصوصًا إذا كان خادم DNS الافتراضي من مزود الخدمة بطيئًا أو غير مستقر.

هل تغيير DNS آمن على الجهاز؟

نعم، تغيير DNS إلى خوادم موثوقة مثل Google أو Cloudflare عملية آمنة تمامًا ولا تؤثر سلبًا على الجهاز. المخاطرة الوحيدة تكون في استخدام خوادم DNS غير معروفة المصدر، لذلك يُنصح دائمًا باستخدام خوادم DNS مشهورة وموثوقة.

كيف أرجع DNS للوضع الافتراضي بعد تغييره؟

يمكنك الرجوع لإعدادات DNS الافتراضية بسهولة عن طريق فتح خصائص الشبكة، ثم اختيار "Obtain DNS server address automatically" بدلًا من إدخال عنوان يدويًا، وهذا سيجعل الجهاز يستخدم DNS الخاص بمزود خدمة الإنترنت تلقائيًا مرة أخرى.

هل يجب تغيير DNS في كل الأجهزة على حدة أم مرة واحدة؟

يمكنك تغيير DNS في كل جهاز بشكل منفصل (كمبيوتر، موبايل)، أو بشكل أسهل عن طريق تغيير DNS من داخل صفحة الراوتر نفسه، وبذلك يتم تطبيق الإعداد الجديد تلقائيًا على جميع الأجهزة المتصلة بالشبكة دون الحاجة لتكرار الخطوات على كل جهاز.

الخلاصة

عملية تغيير DNS في ويندوز بسيطة وبتاخد دقايق قليلة، سواء عن طريق لوحة التحكم أو تطبيق الإعدادات أو حتى موجه الأوامر. جرب واحدة من الطرق اللي فوق حسب اللي يناسبك، واختار خادم DNS مناسب زي Google أو Cloudflare عشان تحصل على أداء أفضل واستقرار أعلى في الاتصال بالإنترنت.

WinFixar Test
WinFixar Test

مقالات قد تهمك

تعليقات